Qeveria hungareze është duke marrë një hap tjetër për të vështirësuar edhe më shumë jetën e emigrantëve që kanë mbetur të ngujuar në vend.

Autoritetet hungareze po shqyrtojnë legjislacionin e ri që do të penalizonte ndihmën e migrantëve të paligjshëm që kërkonin azil, transmeton portali arbresh.info

Nëse projektligji do të miratohet, kjo mund të rezultjë në krim edhe nëse azilkërkuesve u ofrohet ushqim apo konsultime ligjore.

Duke komentuar këtë çështje, investitori hungarez-amerikan dhe miliarderi Xhorxh Soros thanë se çdo vend i BE nuk duhet të detyrohet të pranojë emigrantët. Ai gjithashtu mohoi pretendimet për mbështetjen e tij të dyshuar për migracionin e paligjshëm.

“BE duhet të mbrojë kufijtë e saj të jashtëm, por edhe duhet t’i mbajë hapur për emigrantët e ligjshëm. Shtetet anëtare, nga ana tjetër, nuk duhet të mbyllin kufijtë e tyre të brendshëm”, tha Soros.

Budapest, së bashku me Pragën dhe Varshavën, ka kundërshtuar në mënyrë të përsëritur qëndrimin e BE mbi migracionin, veçanërisht në lidhje me sistemin e kuotave të emigrantëve që u prezantua në shtator të vitit 2015.

Në prill të vitit 2017, kryeministri i Hungarisë, Viktor Orban, i njohur për qëndrimin e tij të ashpër ndaj migrantëve, ka fituar edhe një mandate për të udhëhequr vendin./arbresh.info/